我哋9月份準備咗好多不同類型嘅活動俾大家，首先出爐嘅係9月三個星期嘅網上講座，有興趣嘅朋友一定唔可以錯過啦
音樂治療係乜嚟架？
小朋友喺音樂治療裡面會做啲咩？
參加咗音樂治療會有咩改善架？
家長如果都有以上嘅問題，呢個系列嘅講座就啱晒你啦~
9月份我哋兒童音樂治療講座系列將會由我哋嘅註冊音樂治療師同大家分享三個唔同嘅主題：
對象：
2-10歲兒童之家長，及有興趣人士

9月9日 (四) 8pm
【兒童音樂治療應用 1: 適應能力】
如何利用音樂提升小朋友適應能力
幫助小朋友新學期上學

9月16日 (四) 8pm
【兒童音樂治療應用 2: 社交溝通及自我掌控能力】
如何利用音樂提升小朋友溝通及自我掌控能力
提升小朋友社交能力

9月30日 (四) 8pm
【兒童音樂治療應用 3: 情緒管理及發展】
如何利用音樂提升小朋友情緒管理
提升小朋友情緒發展

講座會以Zoom形式進行，講座前會發連結給成功報名嘅參加者。
講座詳情：https://forms.gle/WBKh9fKoTjFxpfHfA
.
.
.
.
.
FB: icat2014
IG: @icathk_
YouTube: ICATHK
www.icat.com.hk
info@icat.com.hk
#icathk #icathk2021 #musictherapy #香港創意藝術治療中心 #音樂治療 #註冊音樂治療師 #音樂治療講座 #網上 #網上講座 #香港 #兒童音樂治療網上講座系列 #廣東話 #適應 #新學年 #情緒 #自我掌控 #社交溝通 #生命因藝術綻放光彩 #lettheartsenrichyourlife
​

繼上一個post提及到對音樂治療服務有興趣嘅人都會問我哋音樂治療師究竟佢哋適合參加個別定小組治療後，另一個我哋成日俾人查詢嘅問題係：小組模式嘅音樂治療裡面治療師可以對幾多個受助者呢？
喺音樂治療小組裡面一個音樂治療師可以對幾多人其實係無固定答案嘅～我哋明白到好多時候機構都會覺得既然開組，就會想個小組開大啲，令到多啲服務使用者受惠。作為治療師，我哋固然想令多啲服務使用者受惠啦，但係同時我哋都需要衡量究竟小組嘅大小會唔會影響到受助者得到嘅幫助以及小組嘅運作。太大嘅組會令參加者比較難與音樂治療師建立治療關係，令佢哋對小組缺乏信任及安全感，以至不能喺治療當中投入參與，直接影響治療效果。有一啲小組嘅參加者會需要多一啲治療師嘅關注，如果小組參與人數太多，治療師就無辦法照顧到每一位參加者嘅需要，小組嘅治療效果就會因此降低，導致得不償失。
總括嚟講，音樂治療師喺一個小組可以對幾多人完全係取決於參加者嘅需要及能力，而除非開小組之前已同治療師溝通過小組係開放模式 (open group)，我哋會建議小組開始後盡量保持參加者人數及名單，令小組可以在組員感到安全及互信嘅環境下順利進行。
喺「新常態」嘅呢段時間，參加音樂治療有咗多一個選擇，就係喺網上接受服務啦－喺網上嘅服務打破咗地域界限，咁係咪就可以多啲人參加呢？
都係呢一句：一個小組幾多人先最適合係取決於參加者嘅需要及能力嘅，而喺網上可能就有多一個決定元素嘞－利用嘅軟件平台嘅視窗同一時間下可以睇到幾多人呢？音樂治療好多時都涉及到治療師與受助者/受助者互相嘅互動，如果睇唔到或者要喺螢幕掃嚟掃去先見到晒所有受助者，係會有礙小組嘅進行嘅。另外如果好多人一齊喺網上小組玩奏音樂，會好容易有疊聲嘅情況出現，呢個都會有機會影響治療師嘅工作繼而影響治療效果。
關於音樂治療小組運作嘅資料，最好都係同返接洽嘅音樂治療師溝通一下，佢哋了解過後一定會俾到最合適嘅建議你㗎～
.
.
.
.
.
FB: icat2014
IG: icathk_
YouTube: ICATHK
www.icat.com.hk
info@icat.com.hk
#icathk #icathk2021 #musictherapy #credentialedmusictherapists #香港創意藝術治療中心 #音樂治療 #小組運作模式 #新常態 #小組治療 #實體小組 #網上小組 #音樂體驗 #玩奏樂器 #聆聽音樂 #音樂即興 #音樂創作 #註冊音樂治療師 #溝通 #治療關係 #治療目標 #信任 #安全感 #香港 #HongKong #音樂 #特殊需要 #互動

​喺疫情底下，好多嘢都以「新常態」出現，而音樂治療都唔例外。除咗有限度嘅實體小組之外，好多社福機構都開始嘗試喺網上開小組，希望繼續提供多元化嘅治療服務俾服務使用者。無論係線上定線下，我哋音樂治療師成日都被問及呢個問題：參加者適合個別定小組治療呢？
一個參加者適合個別定小組音樂治療，其實都好取決於佢嘅治療目標同埋佢自身嘅能力嘅。由於人係群體聚居生物，好多人因此都可能順理成章地覺得應該要參與小組活動先可以幫助日後融入社會。呢個諗法其實都啱嘅，不過唔係每一個參加者一開始就已經適合小組音樂治療㗎啵～如果參加者自身有一啲嘢要先處理，喺未處理好之前佢就可能比較適合個別嘅音樂治療服務啦。例如小朋友社交上需要幫手，但係如果佢因為各種原因（感統、認知、行為等）未能夠應付太大嘅小組要求時，或者佢需要多一啲個別關注嘅時候，佢就會比較適合個別音樂治療啦。喺個別治療當中，音樂治療師會專注地從小朋友嘅個別需要入手，慢慢幫小朋友提升自身能力，喺治療師認為適當嘅時候就會建議小朋友從個別音樂治療「升班」至小組音樂治療。話雖如此，有一啲情況參加者只適合個別治療，例如因為心理問題而求助嘅人，大多數情況之下都因為自身嘅需要而比較適合個別音樂治療，因為可以有多啲情緒表達機會。
不過喺咩情況都好，音樂治療師會喺同參加者或者家長初步傾談及了解過後作出建議，確保參加者係得到最適當嘅治療。
=====
上一次嘅音樂治療免費講座反應咁熱烈，我哋決定1月底做埋Part Two! 有興趣嘅朋友一定唔可以錯過啦～
《目標為本？兒童音樂治療應用 II》
日期：2021年1月29日 (星期五)
時間：晚上8：30
地點：網上Google Meet
費用全免
報名方法：
https://www.eventbrite.hk/e/ii-tickets-137281134569
到時見啦～
.
.
.
.
.
FB: icat2014
IG: icathk_
YouTube: ICATHK
www.icat.com.hk
info@icat.com.hk
#icathk #icathk2021 #musictherapy #credentialedmusictherapists #香港創意藝術治療中心 #音樂治療 #服務模式 #新常態 #個別治療 #小組治療 #實體小組 #網上小組 #音樂體驗 #玩奏樂器 #聆聽音樂 #音樂即興 #音樂創作 #註冊音樂治療師 #溝通 #治療關係 #治療目標 #信任 #安全感 #香港 #音樂治療免費講座 #HongKong #情緒 #自我表達 #自信心 #自我形象 #情緒管理 #治療 #目標 #兒童音樂治療應用 #網上 #廣東話 #免費

​為咗令更多小朋友唔會因為停課而無相應嘅服務，我哋中心自去年9月開始都加開多咗時段做實體小組同個別 #音樂治療服務，希望有需要嘅小朋友能夠接受適切同無間斷嘅治療服務。喺收生過程當中，好多家長都會基於種種原因而問：「有冇得試堂呀？」
我哋明白到坊間好多興趣班 (尤其學習藝術) 都有試堂呢個「服務」，但係#音樂治療 同其他 #專職治療 一樣，都係冇「試堂」呢個慣例嘅。你可能會問「點解呀？」，除咗因為音樂治療唔係學習音樂嘅興趣班之外 (之前嘅post已經講過音樂治療與音樂教育嘅分別～)，其實仲有更大嘅原因架！咁喺解釋呢件事之前不如就講解下音樂治療嘅過程畀大家認識下，咁你就會明白點解音樂治療同其他專職治療都冇「試堂」啦。
音樂治療同好多專職治療一樣，都係一個「#以人為本」嘅助人專業－我哋會因應受助者嘅需要，透過不同音樂體驗而幫助受助者達到所訂下嘅 #治療目標，從而提升受助者嘅生活質素。所有專職治療嘅療程都離唔開 #臨床評估，#制定治療目標，#提供治療，以及 #成效評估 呢4個過程，音樂治療亦都一樣：喺受助者接受治療之前，#音樂治療師 都要為受助者作臨床評估，而音樂治療嘅評估唔係拎住個清單剔剔剔咁㗎喎，而係喺治療師為受助者度身訂造嘅不同音樂體驗當中進行嘅。因為音樂治療係採用「成功導向」嘅治療模式進行，所以治療師除咗會用音樂喺唔同範疇為受助者作評估之外，亦會因應受助者嘅能力當下調節 #音樂體驗，令受助者能夠成功地參與。
好多時候小朋友第一次嚟到治療，因為所有嘢都係新，所以表現未必會係最真實。治療師會同小朋友以音樂建立治療關係，希望「暖場」嘅同時能夠提升小朋友對治療環境嘅信任同喜愛，令小朋友可以放鬆參與，表現最自然最真嘅一面俾治療師睇。呢個建立關係嘅過程係由小朋友踏入治療室就開始，但係基於陌生環境，一節嘅時間通常都唔足夠完全令治療師同小朋友嘅關係建立得好鞏固。就憑小朋友一節嘅表現，治療師比較難去作好精準嘅評估之餘，小朋友亦未必有足夠嘅時間同機會去同治療師相處，以致未必能完全投入參與各種音樂體驗。如果以小朋友一堂時間嘅表現去「試」小朋友啱唔啱/喜唔喜歡呢個治療模式，喺冇俾足夠嘅機會小朋友同治療師互相認識相處並投入治療嘅情況下，未免對雙方都唔係好公平嘅。
正因為「試堂」喺建立治療關係嘅過程係完全無幫助，對受助者亦無益處，所以喺「以人為本」嘅專職治療世界裡面係冇「試堂」呢個慣例嘅，音樂治療當然都唔例外啦。
其實治療師好明白家長好關心小朋友嘅進度，好驚為小朋友揀錯治療，所以會想試下睇下「啱唔啱」先作「長線投資」。但係治療係一個過程嚟嘅，家長需要俾啲空間小朋友同治療師一齊工作先有機會睇到成效架！
=====
我哋嘅1-2月實體同網上音樂治療小組現正招生
查詢及報名：+852 6510 9405
.
.
.
.
.
FB: icat2014
IG: @icathk_
YouTube: ICATHK
www.icat.com.hk
info@icat.com.hk
#icathk #icathk2021 #musictherapy #creativeartstherapy #香港創意藝術治療中心 #助人專業 #治療關係 #治療環境 #音樂治療 #音樂體驗 #以人為本 #治療服務 #成功導向 #臨床評估 #治療目標 #治療 #成效評估 #試堂 #受助者 #兒童音樂治療 #香港

【小編說－新年篇】
剛剛送走咗2020年，有人形容2020年係一套「驚慄片」，整年都在驚慄之中度過。睇到好多朋友都話2020年有幾差有幾唔好，幾乎冇一個人係留戀2020年嘅，個個都話「好行夾唔送」啦咁。
喺大家寄望2021年比2020年好嘅同時，我哋其實都可以懷住感恩嘅心態去回想我哋2020年所做過正面嘅事，為生活帶嚟一啲正能量，喺黑暗中尋找光明，懷著正面感激嘅心面對未來嘅挑戰。以下呢張圖唔知幫唔幫到你去回想2020年你可能做過、值得回想嘅一啲事情呢？
喺音樂治療裡面，註冊音樂治療師好多時都會同受助者一齊喺音樂當中尋找生命中嘅光明。喺治療師精心設計嘅音樂體驗中，受助者可以藉住參與體驗而搵到自己嘅潛能，或者搵番一啲久違了嘅回憶，又或者從體驗中意識到生命當下需要嘅嘢等，從而提升佢哋嘅生活質素。
我哋都一齊以感恩嘅心，帶著正能量去迎接2021年帶來嘅挑戰啦
.
.
.
.
.
FB: icat2014
IG: icathk_
YouTube: ICATHK
www.icat.com.hk
info@icat.com.hk
#icathk #icathk2021 #musictherapy #creativeartstherapy #香港創意藝術治療中心 #音樂治療 #創意藝術治療 #黑暗中找光明 #註冊音樂治療師 #音樂體驗 #潛能 #回憶 #提升生活質素 #音樂的力量 #受助者 #網上 #實體 #香港
​