轉眼間原來已經12月,意味著2020年即將結束。我們不如就以這份通訊為我們ICAT(HK)今年作一個總結吧~2020年對於很多人來說都是非常不容易的一年:香港經歷2019年社會運動後,日子沒有平靜下來,口罩及消毒物品陪伴了我們整個2020年,停課、網課、社交距離、在家工作...整年的抗疫成為了全球的「新常態」。 因為疫情,香港創意藝術治療中心在過去一年都作出了很多改變及新嘗試,希望以不同方式繼續與大家見面,提供優質創意藝術治療服務給予有需要的人士,繼續「因藝術綻放光彩」。
真是不作總結都不知道原來在疫情底下ICAT (HK) 都還是很精彩啊!在2020年結束之時,我們再次在此感謝各界好友在這個非常不容易的時間繼續對我們的支持及信任,令我們過了充實的一年!除了社區治療工作外,我們已經努力構思2021年的精彩活動~ 想了解我們的活動詳情,就不要錯過我們的不時update啦!
最後祝願大家節日平安,新年健康!希望疫情快點過去,我們可以在2021年的活動中實體見到大家!
0 Comments
嚟到2020年最後一個月,本來以為會靜下來嘅疫情又出現反彈,好多實體班被逼要煞停。但係時間係唔等人嘅,需要服務嘅小朋友進度不能停下,所以好多音樂治療師再次將服務搬到網上,希望為有需要兒童及家庭繼續提供適切及不間斷嘅服務。 參加網上音樂治療服務之前,家長都會問到:咁我屋企冇你哋中心咁多樂器喎,小朋友點樣參與呢? 不如就趁呢個機會介紹吓治療師常用嘅樂器/道具,可以用佢哋達到咩治療目標,同埋點樣可以喺家居搵佢哋嘅「代替品」啦~ 1)鼓 鼓係音樂治療師喺音樂治療中經常會用到嘅樂器之一。鼓樂喺音樂治療當中通常都極度受歡迎,因為樣子吸引,而且一敲就有聲,非常容易操作。音樂治療師利用鼓可以幫助小朋友喺音樂體驗中達到以下治療目標: 提升 #有意義參與 Purposeful participation 提升 #掌控能力 Impulse control 提升 #手眼協調能力 Eye-Hand coordination 提升 #專注力 Focus and attention 提升 #社交能力 (包括等候,輪流) Social skills (waiting/turn-taking) 提升 #情緒管控能力 Emotion regulation 如果屋企冇鼓,可以利用家居嘅膠盒或者鐵罐敲打,又或者比較厚啲嘅書本,都可以做到相類似嘅效果架~ 2) 沙鎚 沙鎚係另外一樣音樂治療師常用嘅樂器。同鼓一樣,佢嘅操作非常簡單,所以喺音樂治療裡面好受歡迎嘅。沙鎚有分唔同大細、顏色、形狀等,搖出嚟嘅聲音亦都會因為佢嘅大細同「餡」唔同而有所唔同,所以都係搶手樂器之一。喺治療當中,音樂治療師利用沙鎚可以幫助小朋友喺音樂體驗中達到以下治療目標: 提升有意義參與 Purposeful participation 提升 #大小肌能 Gross and Fine motor skills 提升手眼協調能力 Eye-Hand coordination 提升社交能力 (包括等候,輪流) Social skills (waiting/turn-taking) 提升 #認知 (顏色,數字,類比等) Academic skills (color, counting, comparing) 提升 #遵從指令能力 Direction following 屋企絕對可以自己自家製沙鎚架!搵個樽/盒再放啲細嘅食材或者珠仔入去,再封番埋個口就得架啦。不過要記得留返啲空間呀,如果唔係就冇空間俾啲嘢喺個樽/盒度郁,咁就點搖都冇聲架啦。 3) 響木 響木可能喺音樂治療師嘅樂器包裡面未必好似鼓或者沙鎚咁一定會有,但都係治療師常用嘅樂器,因為佢方便攜帶,而且容易發聲, 都頗為小朋友歡迎嘅。喺治療當中,音樂治療師利用響木可以幫助小朋友喺音樂體驗中達到以下治療目標: 提升有意義參與 Purposeful participation 提升掌控能力 Impulse control 提升手眼協調能力 Eye-Hand coordination 提升專注力 Focus and attention 提升社交能力 (包括等候,輪流) Social skills (waiting/turn-taking) 提升認知 (數字) Academic skills (counting) 提升遵從指令能力 Direction following 喺屋企自製響木其實好簡單:如果有木筷子 (兩對會好啲) 互相敲打就已經係啦~或者兩枝筆互相敲打都有相同效果。 4) 絲巾 絲巾唔係樂器,但係音樂治療師常用嘅道具,因為佢輕而且顏色/圖案鮮艷,吸引到小朋友之餘可塑性高,喺音樂律動作道具就最啱喇。喺治療當中,音樂治療師利用絲巾可以幫助小朋友喺音樂體驗中達到以下治療目標: 提升有意義參與 Purposeful participation 提升大小肌能 Gross and Fine motor skills 提升手眼協調能力 Eye-Hand coordination 提升認知 (顏色,數字,類比等) Academic skills (color, counting, comparing) #放鬆 Relax 屋企如果本身有絲巾就最好啦,如果唔係嘅話用毛巾都可以架。如果都無,紙巾其實都有相類似嘅效果嘅。 希望以上嘅資訊除咗可以讓家長知道音樂治療師喺治療當中點樣用樂器/道具達到治療目標之餘,亦俾到啲頭緒家長喺參與網上音樂治療服務嘅時候點樣幫助小朋友準備啦。其實加啲心思同創意,任何地方都可以充滿音樂㗎 . . . . . FB: icat2014 IG: @icathk_ YouTube: ICATHK www.icat.com.hk [email protected] #icathk #icathk2020 #香港創意藝術治療中心 #音樂治療 #註冊音樂治療師 #網上音樂治療 #音樂治療目標 #音樂治療樂器 #音樂 #musictherapy #幼兒網上音樂治療 #玩奏樂器 #音樂律動 #即興創作 #唱歌 #音樂治療服務 #家居 #音樂體驗 #社交溝通 #自我表達 #專注力 #治療 我哋啱啱做完咗兩個幼兒音樂治療小組課前講座,加上工作需要,我哋嘅治療師們都因此呢期同家長們多咗接觸,而傾談當中家長們都不約而同咁問到同一個問題:
究竟音樂治療同普通學音樂有咩唔同?我點樣知道音樂治療啱唔啱我嘅小朋友? 音樂治療係以音樂作為工具,經過評估後因應受助者嘅能力去制定治療方案,以音樂去幫助受助者學習佢需要嘅技能,例如社交、專注力等等。學習音樂就係以一門藝術咁嘅形式去學習同認識音樂。相比起學習音樂,音樂治療係比較以人為本,治療師會因應為受助者制定咗嘅治療目標而設計不同類型嘅音樂體驗,可以包括唱歌、音樂律動、音樂即興、音樂創作等等,喺成功導向嘅大前提之下給予受助者唔同嘅機會同模式參與音樂體驗,發揮潛能同時亦引導受助者作出不同嘅嘗試,從而掌握佢需要學習嘅技能,所以係個過程主導嘅治療模式。以一門藝術咁學習音樂通常都係課程為本,學習音樂技巧、修養、美感同完整性為主,係相對比較成果主導嘅學習。 咁究竟點樣嘅表現先叫做適合音樂治療呢? 因為音樂冇入侵性同冇威脅性,而且大部份人都喜歡音樂,我哋相信只要治療師能夠搵到受助者喜歡嘅音樂,營造到好嘅治療環境同埋同受助者建立到好嘅治療關係,音樂治療係適合大部份有需要嘅人士嘅。不過,我哋音樂治療師都需要講到,的而且確有一啲人係比較適合接受音樂治療嘅: 如果音樂加諸到呢個人嘅生命裡面係會令到佢有改變,音樂可以成為佢改變嘅動力,音樂治療就係適合佢嘅治療模式啦 即係點呢?用小朋友做例子:如果小朋友平時好難專心,但係聽到音樂會坐得定啲嘅;或者小朋友平時社交或者說話比較弱,但係聽完音樂會跟著唱或者會講返歌仔裡面啲嘢嘅,呢個就係我哋所講嘅「加咗音樂有改變」啦。 註冊音樂治療師加多句:搵我哋幫手唔一定要社福或者醫療轉介架!自己搵我哋都得架~如果覺得音樂治療師嘅專業係可以令到受助者改變及發揮潛能,提升生活質素嘅話,不妨同我哋傾吓偈,讓我哋可以制定適合受助者嘅治療方案。 . . . . . FB: icat2014 IG: @icathk_ YouTube: ICATHK www.icat.com.hk [email protected] #icathk #icathk2020 #香港創意藝術治療中心 #musictherapy #音樂治療 #註冊音樂治療師 #credentialedmusictherapist #音樂教育 #音樂教育工作者 #以人為本 #課程為本 #過程主導 #成果主導 #專注力 #社交 #唱歌 #音樂律動 #玩奏樂器 #音樂即興 #音樂創作 #音樂美感 #音樂技巧 #音樂修養 #發揮潛能 #治療目標 #治療關係 #提升生活質素 #轉介 #香港 #網上 #實體 除咗 #美國音樂治療協會學術年會 之外,上星期當然仲有我哋嘅 #網絡研討會Webinar系列 7 啦 (所以真係好忙架!)
上星期日我哋註冊音樂治療師Angel同Pan喺網絡研討會Webinar 7當中同參加者講解咗音樂同健康以及 #精神健康 嘅關係之餘,仲俾咗啲 #貼士 大家,教大家日常生活中點樣 #運用音樂 幫自己提升精神健康,尤其是都市人成日都有嘅 #睡眠問題,Angel同Pan都有分享到點樣嘅音樂可以幫到手,希望大家喺屋企都好好練習,以音樂幫助自己提升精神健康! 不過~如果自己唔能夠以音樂幫助自己呢,就要搵 #專業人士 幫忙啦 :) 【註冊音樂治療師在此!】 嚟緊網絡研討會Webinar系列8嘅內容會革新啵~唔知大家想聽啲咩題目呢?留言話俾我哋知吖! . . . . . FB: icat2014 IG: @icathk_ YouTube: ICATHK www.icat.com.hk [email protected] #icathk #icath2020 #musictherapy #icathkwebinar #webinar #freeevent #香港創意藝術治療中心 #註冊音樂治療師 #網絡研討會Webinar系列 #網上參與 #分享 #音樂生活應用 #身心靈健康 #音樂 #音樂治療推廣 #音樂應用 #提升生活質素 #精神健康 #香港 #音樂與精神健康 #日常音樂應用 #音樂生活應用 #身心靈健康 過去幾日超級忙!
除咗既有嘅 #音樂治療 恆常工作外,我哋嘅註冊音樂治療師Angel同Pan仲喺 #美國音樂治療協會 學術年會作發報,分享佢哋喺治療中點樣以中國文化及音樂作治療資源嘅一啲心得。因為疫情關係,今年嘅 #美國音樂治療協會學術年會 改於網上舉行,令到世界各地嘅音樂治療師都可以安坐家中參與,亦俾到個難得嘅機會我哋兩位治療師可以第一次同時身處學術年會發報! 因為時差嘅關係,我哋兩位治療師要參加呢個學術年會都要半夜爬起身,但係見到咁多同工對呢個題目都感興趣,而且feedback都非常正面,兩位治療師都覺得好滿足。 今年年會唔單止錄影咗,仲可以有6個月時間返睇 - 又係學習嘅好時機啦~ ☺ It's been super busy lately at icathk! On top of regular therapy work, both Angel and Pan, our credentialed music therapists, were honored to have the opportunity to present in this year's American Music Therapy Association Virtual Conference. They share their experience and knowledge on Chinese cultures, as well as using Chinese music repertoires in various clinical settings. Due to the pandemic situation, the AMTA conference has moved into virtual format, so not only therapists from all over the world could participate through the tip of their finger, that also provided the chance for both Angel and Pan to present together, for the very first time at AMTA! With the time difference, both Angel and Pan had to get up in the middle of the night to do their presentation, yet they were so surprised that so many of their colleagues were interested in this topic, and so many good questions were asked! The presentation was so well received that made all hard work and late nights worth it. In addition, most of this year's conference concurrent sessions are recorded, and will be available for 6 months! If you missed any of those fabulous sessions, there's always time to go back and learn - talk about continue education! . . . . . FB: icat2014 IG: @icathk_ YouTube: ICATHK www.icat.com.hk [email protected] #icathk #icathk2020 #香港創意藝術治療中心 #音樂治療 #註冊音樂治療師 #美國音樂治療協會 #美國音樂治療協會學術年會 #持續進修 #發報 #amta20 #amta2020 #amtanatcon #musictherapy #continueeducation #CMTE #CPD #presentation #concurrentsession #amta #musictherapyrocks |
Our bi-monthly blog to keep you up-to-date with our latest happenings! Archives
September 2021
Categories
All
|